ജീപ്പും ബൈക്കും കൂട്ടിയിടിച്ച് മരത്താണി സ്വദേശി മരിച്ചു

മഞ്ചേരി: അങ്ങാടിപ്പുറത്ത് ബൈക്കും ജീപ്പും കൂട്ടിമുട്ടി ബൈക്ക് യാത്രക്കാരനായ യുവാവ് മരിച്ചു. തൃക്കലങ്ങോട് മരത്താണി സ്വദേശി കോലോത്തുംതൊടി ആഷിഖ്(20) ആണ് മരിച്ചത്. മഞ്ചേരിയിലെ സ്വകാര്യ സ്‌കാനിങ് സെന്ററിലെ ജീവനക്കാരനാണ്. അങ്ങാടിപ്പുറം ഹമദ് ഐ.ടി.സിക്ക് സമീപം ബുധനാഴ്ച ഉച്ചയ്ക്കാണ് അപകടം. പെരിന്തല്‍മണ്ണയിലെ സ്വകാര്യ ആസ്​പത്രിയില്‍നിന്ന് കോഴിക്കോട്ടെ സ്വകാര്യ ആസ്​പത്രിയിലേക്ക് കൊണ്ടുപോകുന്നതിനിടെയാണ് മരണം.
മഞ്ചേരി മാനു സ്‌കാന്‍ സെന്ററിലെ ജീവനക്കാരനാണ്. പിതാവ്: അബ്ദുള്‍റസാഖ്. ഉമ്മ: സലീന. സഹോദരങ്ങള്‍: സീനത്ത്, സദഖത്തുള്ള.

ന്യൂസ് അയച്ചുതന്നത്: അനസ്,ശർഫു: കാരക്കുന്ന്