ദുരിതയാത്രക്ക് വിരാമം: എളങ്കൂർ-പുലത്ത്-തച്ചുണ്ണി റോഡ് നാടിന് സമർപ്പിച്ചു.

എളങ്കൂർ: എളങ്കൂറിനെയും കാരക്കുന്നിനെയും തമ്മിൽ ബന്ധിപ്പിക്കുന്ന പ്രധാന പാതകളിലൊന്നായ എളങ്കൂർ - പുലത്ത് - തച്ചുണ്ണി റോഡിന്റെ പണി പൂർത്തിയായി. വർഷങ്ങളായുള്ള നാട്ടുകാരുടെ ദുരിതയാത്രയ്ക്ക് വിരാമമിട്ടുകൊണ്ട് റോഡിന്റെ ഉദ്ഘാടനം തൃക്കലങ്ങോട് ഗ്രാമപഞ്ചായത്ത് പ്രസിഡന്റ് എൻ.പി. മുഹമ്മദ് നിർവ്വഹിച്ചു.

​രണ്ട് പ്രധാന പ്രദേശങ്ങളെ ബന്ധിപ്പിക്കുന്ന ഈ റോഡ് യാഥാർത്ഥ്യമായതോടെ നൂറുകണക്കിന് കുടുംബങ്ങൾക്കും വിദ്യാർത്ഥികൾക്കും യാത്രാക്ലേശമില്ലാതെ ലക്ഷ്യസ്ഥാനത്തെത്താം.

​പഞ്ചായത്ത് വൈസ് പ്രസിഡന്റ് ലില്ലി ടീച്ചർ അധ്യക്ഷത വഹിച്ച ചടങ്ങിൽ ജനപ്രതിനിധികളും രാഷ്ട്രീയ-സാമൂഹിക പ്രവർത്തകരും പങ്കെടുത്തു.

​ വാർഡ് മെമ്പർ റുബീന സിദ്ദീഖ്, ബ്ലോക്ക് മെമ്പർ രഞ്ജിമ, പതിനഞ്ചാം വാർഡ് മെമ്പർ രഞ്ജിനി, മുൻ മെമ്പർ സാബിരി എന്നിവർ ചടങ്ങിൽ സംസാരിച്ചു.

​ ഇ.ടി. മോയിൻകുട്ടി, ജാഫർ സി, മജീദ് സി.എം, ഫസലുള്ള, ഫൈസൽ സി, സുഫിയാൻ, റഹീം, നുഹ്മാൻ കെ.കെ തുടങ്ങിയവരും ചടങ്ങിൽ സംബന്ധിച്ചു.