നോമ്പ് തുറക്കാൻ പ്രയാസപ്പെടുന്ന യാത്രക്കാർക്കായി ദിവസവും 150 പേർക്കുള്ള വിഭവങ്ങളാണ് ഈ പദ്ധതിയിലൂടെ ഒരുക്കുന്നത്. പദ്ധതിയുടെ സോൺ തല ഉദ്ഘാടനം തൃക്കലങ്ങോട് പഞ്ചായത്ത് പ്രസിഡന്റ് എൻ.പി. മുഹമ്മദ് നിർവഹിച്ചു. പത്തപ്പിരിയം അബ്ദുറശീദ് സഖാഫി ചടങ്ങിൽ ആശംസകൾ അർപ്പിച്ചു സംസാരിച്ചു.
സമൂഹത്തിന്റെ വിവിധ തുറകളിലുള്ളവർക്ക് നോമ്പ് തുറക്കാനുള്ള സൗകര്യം ഒരുക്കുന്നതിലൂടെ വലിയൊരു സേവനമാണ് സംഘടന നിർവഹിക്കുന്നത്. ജില്ലാ സാമൂഹികം സമിതി അംഗം ശറഫുദീൻ പുലത്ത്, സോൺ ഭാരവാഹികളായ അബ്ദുസലാം, റഹീം സഅദി, ശംസുദ്ധീൻ എന്നിവർ പരിപാടിക്ക് നേതൃത്വം നൽകി. വരും ദിവസങ്ങളിലും സോണിന് കീഴിലെ വിവിധ കേന്ദ്രങ്ങളിൽ ഇഫ്താർ കൈമയുടെ സേവനം ലഭ്യമായിരിക്കും.
