തൃക്കലങ്ങോട് പഞ്ചായത്ത്: യുഡിഎഫിലും എൽഡിഎഫിലും സീറ്റ് ധാരണയായി

തൃക്കലങ്ങോട് ​: തദ്ദേശ സ്വയംഭരണ തിരഞ്ഞെടുപ്പിനുള്ള സീറ്റ് വിഭജനം സംബന്ധിച്ച് തൃക്കലങ്ങോട് പഞ്ചായത്തിൽ, യുഡിഎഫിലും എൽഡിഎഫിലും ധാരണയായി. ഇരു മുന്നണികളിലും അവശേഷിച്ചിരുന്ന അഭിപ്രായ വ്യത്യാസങ്ങൾ മേൽഘടകം ഇടപെട്ട് പരിഹരിക്കുകയായിരുന്നു.​

പുതുതായി വന്ന നെല്ലിക്കുന്ന് (വാർഡ് 24) വാർഡ്‌ ആവശ്യപ്പെട്ട്   കോൺഗ്രസും ലീഗും    സംബന്ധിച്ച തർക്കമാണ് പ്രധാനമായും ചർച്ച ചെയ്തത്. ഇന്നലെ യുഡിഎഫിലെ മേൽഘടകം നടത്തിയ ചർച്ചയിൽ നെല്ലിക്കുന്ന് വാർഡ് മുസ്ലിം ലീഗിന് നൽകാൻ ധാരണയായി.

​ഇതിന് പകരമായി, നിലവിൽ മുസ്ലിം ലീഗിന് അവകാശപ്പെട്ട പാത്തിരിക്കോട് (വാർഡ് 10)  കോൺഗ്രസിനും നൽകാനാണ് ധാരണ, . ഇതോടെ കോൺഗ്രസിനും  മുസ്ലിം ലീഗിനും   12 വാർഡുകൾ വീതം നൽകി യുഡിഎഫിലേ സീറ്റ് വിഭജനം പൂർത്തിയായി.

​എൽഡിഎഫിലും സീറ്റുകളിലും ധാരണയായി. മുന്നണിയിലെ പ്രധാന ഘടകകക്ഷിയായ സി.പി.ഐ-ക്ക് നേരത്തെ ഉണ്ടായിരുന്ന രണ്ടു വാർഡുകൾ  മൈലൂത്ത് (വാർഡ് 15 ) കുട്ടശ്ശേരി ( വാർഡ് 14)  നൽകുകയും,

ഘടകകക്ഷിയായ  നാഷണൽ ലീഗ് ന്   വാർഡ് 7-ഉം(  പഴേടം) നൽകിയിട്ടുണ്ട്.

 ഈ ധാരണയോടെ എൽഡിഎഫിലെ സീറ്റ് വിഭജനവും പൂർത്തിയായി.