ഇന്നലെ നടന്ന ചടങ്ങിൽ ഗ്രാമപഞ്ചായത്ത് വൈസ് പ്രസിഡന്റ് ശ്രീ. ജലാലുദ്ധീൻ ക്യാമ്പയിന്റെ ഉദ്ഘാടനം നിർവ്വഹിച്ചു. കുട്ടികളിലെ രോഗപ്രതിരോധ ശേഷി വർദ്ധിപ്പിക്കേണ്ടതിന്റെ പ്രാധാന്യത്തെക്കുറിച്ച് അദ്ദേഹം സംസാരിച്ചു.
ചടങ്ങിൽ ആരോഗ്യ സ്റ്റാൻൻറ്റിംഗ് കമ്മിറ്റി ചെയർ പേഴ്സൺ ശ്രീമതി. സീന രാജൻ, നിയുക്ത 17-ാം വാർഡ് മെമ്പർ ശ്രീമതി. റുബീന എന്നിവർ സന്നിഹിതരായിരുന്നു. ക്യാമ്പയിന്റെ ഭാഗമായി മെഡിക്കൽ ഓഫീസർ ഡോ. നഷീദ, ഹെൽത്ത് ഇൻസ്പെക്ടർ ശ്രീ. റോണി. കെ. ജോൺ, പി.എച്ച്.എൻ ശ്രീമതി. റജീന എന്നിവർ വാക്സിനേഷൻ നടപടികൾക്ക് നേതൃത്വം നൽകി.
സ്കൂൾ ഹെഡ് മാസ്റ്റർമാരായ ശ്രീ. നജ്മുദ്ധീൻ, ശ്രീ. അലിബാപ്പു, അധ്യാപകർ, പി.ടി.എ പ്രസിഡന്റ്, മറ്റ് ആരോഗ്യ പ്രവർത്തകർ എന്നിവരും പരിപാടിയിൽ പങ്കെടുത്തു.
