രാവിലെ 9 മണിക്ക് രജിസ്ട്രേഷൻ നടപടികളോടെ പരിപാടികൾ ആരംഭിക്കും. തുടർന്ന് നടക്കുന്ന ഔദ്യോഗിക ഉദ്ഘാടനത്തിന് ശേഷം വിദ്യാലയത്തിൽ വിവിധ കാലഘട്ടങ്ങളിലായി സേവനമനുഷ്ഠിച്ച മുന്നൂറോളം അധ്യാപകരെ ആദരിക്കുന്ന 'ഗുരുവന്ദനം' ചടങ്ങ് നടക്കും. 1974 മുതൽ 2024 വരെയുള്ള 50 ബാച്ചുകളിലെ വിദ്യാർത്ഥികളും അധ്യാപകരും സംഗമത്തിൽ പങ്കെടുക്കും.
വൈവിധ്യമാർന്ന പരിപാടികൾ
സംഗമത്തോടനുബന്ധിച്ച് വിദ്യാർത്ഥികൾ ഒരുക്കുന്ന വിപുലമായ ഫുഡ് ഫെസ്റ്റും സംഘടിപ്പിച്ചിട്ടുണ്ട്. രാവിലെ 9 മണി മുതൽ ആരംഭിക്കുന്ന ഫെസ്റ്റിൽ 45 വ്യത്യസ്ത സ്റ്റാളുകളിലായി വൈവിധ്യമാർന്ന രുചിക്കൂട്ടുകൾ ലഭ്യമാകും. പൂർവ്വ വിദ്യാർത്ഥികൾ അവതരിപ്പിക്കുന്ന വിവിധ സാംസ്കാരിക-കലാ പരിപാടികൾ ആഘോഷങ്ങൾക്ക് മാറ്റുകൂട്ടും.
വൈകിട്ട് നടക്കുന്ന സാംസ്കാരിക സമ്മേളനത്തിന് ശേഷം പ്രശസ്ത കലാകാരന്മാർ അണിനിരക്കുന്ന 'ഇശൽ നിലാവ്' സംഗീത വിരുന്നും അരങ്ങേറും. കാരക്കുന്നിന്റെ ചരിത്രത്തിൽ തന്നെ ശ്രദ്ധേയമായ ഈ മഹാസംഗമം വൻ വിജയമാക്കാനുള്ള അവസാനഘട്ട ഒരുക്കത്തിലാണ് സംഘാടക സമിതിയും നാട്ടുകാരും.
